“Paris Masters” turnirinin ilk mərhələsində amerikalı Teylor Friç ispaniyalı Alexandro Davidoviç–Fokina ilə qarşılaşıb. Friç rəqibini hər ii setdə məğlub edib. 7:5 və 6:2.
İtaliyalı Yannik Sinnerin mübarizəni ilk mərhəldə dayandırması gözlənilməz olub. Dünya reytinqində 12-ci olan Sinner özündən 49 pillə geri qalan isveçrəli Mark– Andrea Huslerə uduzub. Husler 6-2 və 6-3 hesabı ilə üstün olub.
Yannik Sinnerin həmyerlisi Lorenço Muzette isə növbəti mərhələyə adlayıb. O, xorvatiyalı Marin Çiliçə hər iki setdə 6:4 hesabı ilə qalib gəlib.
Fransalı Jil Simon və britaniyalı Endi Marreyin görüşü 3 set davam edib. Əvvəlcə Jil Simon, daha sonra isə britaniyalı raketka ustası hissəni xeyrinə başa vurub. Həlledici setdə isə yenidən toparlanan Jil Simon rəqibini məğlub edib. 6:3. Mükafat fondu 5 milyon 415 mn avro olan turnirin qalibi noyabrın 6-da müəyyənləşəcək.